Peche en Peritos, Vigo!
No caso de Vigo, un grupo de estudantes tras ser convocados para unha asemblea aberta por diversas organizacións entre as que se atopaba a nos realizaron un peche na Biblioteca de Peritos. Durante este abordáronse diferentes cuestións que afectan ao estudantado entre as que destacaron a Estratexia Universidade 2015 ou os ataques que está sufrindo o profesorado asociado, ademais de aproveitar para estudar, realizar traballos, colar cartaces e tamén falar cos nosos compañeiros do peche da Coruña e mandarlles forza. Este acto en común serviu para apoiar e divulgar a Folga Xeral do 14 de novembro e sobre todo ofrecer motivos para facela baixo o lema “A educación non se vende, deféndese!”. Recordemos que sairá en Vigo da Praza dos Cabalos ás 11:30. Non hai excusa para quedar na casa!
Peche na Coruña
O peche da Coruña deu comezo ás 17h na Facultade de Economía e Empresas. Convocaba a Asemblea UdC en Loite da cal os Comités formamos parte. Ás 19 houbo un debate entre as distintas organización da UdC, as cales responderon a 6 preguntas e logo houbo un coloquio co público, que expuxo a súa visión. Logo houbo unha asamblea na que se continuou a falar sobre a situación actual e posíbeis actividades ou acción de cara a movilizar ao estudantado. Logo da cea grupal fixéronse faixas, algúns estudantes fixeron traballos ou estudaron, debateuse e comunicámonos cos compañeiros de Vigo que tamén estaban pechados en Peritos. Hoxe ás 11:30 tivo lugar unha concentración simbólica na rotonda de Elviña contra os recortes en educación.
#ParémosllesosPés
A nosa organización xa fixo público en días pasados o noso apoio á folga xeral do 14N polo que en ambos peches serviron para quecer motores, debater e facer traballo de cara a esta convocatoria de folga.
Podes botarlle aquí un ollo á galería de imaxes:
